bhaagavad giitaa.

prastaavanaa.

yogeshvar ne yuddha kshetra mem’ arjun ko jo gyaan diyaa,
giitaa ke usa param gyaan kaa hamane man mem’ dhyaan kiyaa.

sarvavidit hee ki bhaagavad giitaa par tiin hazaar se adhik pustakem’ likhii jaa cukii heem’ jinamem’ anek anuvaad, t’iikaa, vyaakhyaa aadi sammilit heem’. bahut sii pustakem’ hindii bhaas’aa mem’ bhii likhii gaii heem’, phir giitaa par ek oor pustak hindii mem’ likhane kaa kyaa uddeshya hee?
hindii bhaas’aa mem’ likhi pustakom’ mem’ aam toor se do kamiyaam’ mahasuus kii jaatii heem’, ek to unakii hindii bhaas’aa itanii kat’hin hotii hee ki sab logom’ kii samajh mem’ nahiim’ aatii. duusare, adhikatar ye pustakem’ gadya ke ruup mem’ likhii gaii heem’ jinako par’haa jaa sakataa hee. lekin gaayaa nahiim’ jaa sakataa. sam’skrit kii muul giitaa padya ruup mem’ hee oor usakii lokapriyataa kaa yah ek mukhya kaaran’ maanaa jaataa hee.

in donom’ baatom’ ko dhyaan mem’ rakhate hue yah sujhaav milaa ki yadi bhaagavad giitaa ko saadhaaran’ logom’ kii samajh mem’ aane vaalii hindii bhaas’aa mem’ padya ruup mem’ prastut kiyaa jaaye to vah oor bhii rocak ho sakatii hee. is sujhaav se hindii giitaa likhane kii preran’aa milii.

aam logom’ ko hindii mem’ likhii giitaa kii pustakom’ mem’ bhaas’aa kii kat’hinataa ke alaavaa bhaavom’ kii jat’ilataa se bhii pareshaanii hotii hee. shaabdik anuvaadom’ mem’ bhaav-pravaah kii kamii honaa svaabhaavik hee. isako dhyaan mem’ rakhate hue hindii giitaa mem’ shaabdik anuvaad kii apekshaa bhaav-pravaah par adhik mahatva diyaa gayaa hee. isii dris’t’ikon’ se shrii kris’n’a oor arjun ke giitaa mem’ jo anek naam prayukta hue heem’, un sabakaa hindii giitaa mem’ upayog nahiim’ kiyaa gayaa hee.

jahaam’ tak giitaa ko giit ruup mem’ prastut karane kaa prashna hee, hindii giitaa kii yah sabase pramukh vishes’ataa hee. isake chandom’ ko sam’giit-baddha karake sugamataa se gaayaa jaa sakataa hee. isase giitaa ko yaad karane oor hindii samajhane vaalom’ mem’ oor adhik lokapriy banaane mem’ sahaayataa milegii.

saaptaahik paat’h karane vaalom’ kii suvidhaa ke liye bhaagavad giitaa ko baavan paat’hom’ mem’ vibhaajit karane kaa ek nayaa d’ham’g apanaayaa gayaa hee.

hindii bhaagavadagiitaa ko kampyuut’ar dvaaraa par’ha kar ek naye ruupa mem’ prastut kiyaa gayaa hee. aashaa hee isase hindii premiyom’ ko kampyuut’ar kii aavaaz mem’ sunane kaa nyaa anubhava hogaa.

dhanyavaad.

viirendra paal singha.
rishikesha.

adhyaaya suucii